Aktiviteti “Paqja përmes Artit dhe Gjithëpërfshirjes” bën bashkë nxënësit, shoqërinë civile dhe institucionet

Me synimin për të kultivuar vlerat e tolerancës dhe bashkëjetesës, Shoqata “Dëgjo Zërin Tim” ka organizuar një aktivitet të veçantë artistik të titulluar “Paqja përmes Artit dhe Gjithëpërfshirjes”. Kjo ngjarje bëri bashkë nxënës dhe mësimdhënës nga shkollat “Pandeli Sotiri” në Obiliq dhe “Hasan Prishtina” në Milloshevë, të cilët përmes pikturës përcollën mesazhe të fuqishme. Aktiviteti gjeti një mbështetje të gjerë, duke u nderuar me pjesëmarrjen e Kryetarit të Komunës së Obiliqit, z. Halil Thaçi, si dhe përfaqësuesve nga OSBE dhe Policia e Obiliqit, të cilët rikonfirmuan angazhimin e tyre për një komunitet mbështetës dhe gjithëpërfshirës.